Gedicht: isofloedlinen
Posted by André Looijenga on 30/07/2015
Okkerwyks is der fan my wer in gedicht publisearre yn Ensafh. It is in ‘Klaai-frysk lânskipsgedicht’, soe ik it sels omskriuwe wolle. Josse de Haan frege him ôf oft it “In nije foarm fan abstrakte poëzy?” is.
.
isofloedlinen
.
de see bestiet net
it slyk, seedyk, de rjappelklaai
foarboaden fan in neat
.
in sûnder wat
.
kluten < kerrels < grús
see is griis fan plúskes grûn
boaiem swart fan wetter
.
ien grins is der net, tusken
ús en leechte
útsein fan isofloedlinen tekene
.
de fêste klaai foarseit, ûnthjit
in neat bestiet
.
Hjir waard it fers isofloedlinen earder publisearre.
Leave a comment